Pregunta da enquisa PREME de novembro-decembro: a satisfacción xeral coa Biblioteca

Coa chegada dos dous últimos meses do ano 2010, a Biblioteca, dentro do seu interese por coñecer a opinión dos seus usuarios e usuarias, lanza a pregunta anual da súa enquisa PREME sobre o grao de satisfacción xeral.  A diferenza das preguntas doutros meses, dirixidas a aspectos concretos do servizo (instalacións, persoal, coleccións...), esta pregunta intenta averiguar que opina a comunidade universitaria e o resto de usuarios sobre o funcionamento en xeral da Biblioteca.

Tanto esta pregunta como as enquisas PREME no seu conxunto, constitúen un elemento imprescindible para levar adiante a filosofía de mellora continuamente propia do seu sistema de xestión da calidade. A Biblioteca prega aos usuarios e usuarias que colaboren nesta dinámica da mellora continua respondendo a esta pregunta de forma completamente anónima.  Así mesmo anímalles a formular as suxestións que desexen a través do propio formulario (pestana "suxestións").

Para acceder á enquisa,  pulse neste enlace: En xeral, está satisfeito/a co servizo da Biblioteca Universitaria?

Foto: OK, por Dave77459,  Flickr