Co comezo do novo curso 2010-2011, a Biblioteca Universitaria retoma o seu programa de enquisas de satisfacción dirixidas aos seus usuarios e usuarias. Nesta ocasión, a pregunta, correspondente aos meses de setembro e outubro, trata da satisfacción dos usuarios coas coleccións biblliográficas que a Biblioteca ofrece.
As coleccións comprenden tanto os materiais impresos (libros, revistas, prensa) como os electrónicos (materiais audiovisuais, revistas en liña, e-books, bases de datos) que a Biblioteca adquire, organiza e pon a disposición da comunidade universitaria. Segundo os datos máis recentes (xuño 2010), na actualidade as coleccións están formadas por máis de 537.000 libros, 26.000 revistas (17.300 delas en liña), 110.000 e-books, 9.400 vídeos e DVDs, e 49 bases de datos).
A Biblioteca anima aos membros da comunidade universitaria e ao resto de usuarios a participar nesta sinxela enquisa web cuxa contestación require menos de un minuto. Para acceder a ela basta con pulsar no seguinte enlace: enquisa set-out 2010.