Novo número do boletín Impacto: a sinatura científica
O número 7 do boletín Impacto está dedicado á sinatura científica e á relevancia que ten para a recuperación das publicacións nas bases de datos bibliográficas e outras fontes de información. Estas bases de datos recuperan a información dos autores e autoras das publicacións tal como aparece nelas, é dicir, identifican á persoa polo nome que esta emprega (ou polo identificador persoal, se existe), e a institución na que traballa pola filiación que esta persoa inclúe na sinatura. Pero isto pode causar algúns problemas que impiden que se identifique ben aos autores/as e, por tanto, perdan visibilidade...
Editores e provedores de contidos dixitais ofrecen acceso gratuíto pola crisis do COVID-19
Para axudar aos estudantes, profesores e investigadores que, a causa da propagación da pandemia do COVID-19, deben traballar e estudar a distancia, algúns editores, provedores de contidos e plataformas están a ofrecer acceso gratuíto temporal aos seus recursos dixitais (libros e revistas electrónicas, artigos, webs, etc.)…
Estado dos servizos bibliotecarios durante as medidas para frear o COVID-19
No marco das medidas adoptadas polas autoridades universitarias e gobernamentais contra a expansión do virus COVID-19, a Biblioteca Universitaria suspendeu os servizos presenciais en todas as súas bibliotecas. Con todo, séguense prestando servizos a distancia e atendendo consultas e solicitudes de información a través de correo-e e teléfono. Na web da biblioteca detállanse os niveis de servizo que se están a ofrecer e as formas de contactar connosco...Ao longo destas semanas estamos á túa disposición por correo-e ou teléfono en horario de 09:00 a 14:00 h. de luns a venres. Atopa a información dos niveis de cada un dos nosos servizos na nosa web : solicitude de adquisicións de libros, préstamo, acceso a revistas-e e outros recursos dixitais, catálogo, cursos de formación, apoio bibliométrico, préstamo interbibliotecario, repositorio Investigo... Estes niveis poderán experimentar variacions en función da evolución da situación sanitaria.
Seguimos traballando para manter os nosos servizos ata que se restableza a normalidade.
#QuedaNaCasa
A publicacións científicas do persoal investigador da UVigo en 2018
A Biblioteca Universitaria vén de presentar o informe Publicacións científicas da Universidade de Vigo 2018, elaborado a partir dos datos extraídos das bases de datos Web of Science (Wos) e Scopus...
A presenza da violencia de xénero nas publicacións científicas
Co gallo do 25 de novembro, día internacional da eliminación da violencia contra a muller, e das actividades Bibliolab, organizadas pola Unidade de Igualdade coa colaboración da Biblioteca Universitaria, presentamos un estudo sobre a presenza da violencia de xénero nas publicacións científicas e o número 6 do boletín Impacto que recolle os datos máis relevantes obtidos no estudo...
