9 febreiro, 2009 | 10:50:00
Novidades e melloras na ”Web of Knowledge”
Thomson Reuters vén de levar a cabo diversos cambios na
Web of Knowledge coa inclusión de novas funcionalidades que melloran as formas de buscar, analizar e utilizar a información das bases de datos
Web of Science,
Journal Citation Report e
End note Web. A información pódese consultar na
páxina de novidades da FECYT.
4 febreiro, 2009 | 23:15:00
Entrevista a Catuxa Seoane: ”a biblioteca 2.0 non é cuestión de poder, senón de querer”
Os pasados días 19 e 20 de xaneiro, estivo na
UVigo impartindo un curso sobre "Biblioteca 2.0" ao persoal da Biblioteca Universitaria,
Catuxa Seoane, unha das principais expertas en España e en Galicia sobre a biblioteca 2.0. Aproveitando a súa estancia no campus, mantivemos con ela unha breve entrevista sobre o 2.0 e as bibliotecas. Licenciada en Documentación por la Universidad Carlos III de Madrid, e actualmente bibliotecaria do sistema de Bibliotecas Municipais de A Coruña,
Catuxa Seoane é tamén editora do
blog Deakialli Documental, un dos blogues de referencia no campo da biblioteconomía, a documentación e a biblioteca 2.0.
1 febreiro, 2009 | 17:36:00
Pregunta de febreiro da enquisa “PREME”: satisfacción co trato do persoal bibliotecario
Como vén sendo habitual, a Biblioteca Universitaria, unha vez finalizado o mes de xaneiro, lanza unha nova pregunta da súa enquisa de satisfacción PREME (unha pregunta ao mes). Nesta ocasión a pregunta correspondente ao mes de febreiro trata da satisfacción co trato e atención que os usuarios reciben por parte do persoal da Biblioteca Universitaria.
11 xaneiro, 2009 | 20:35:00
Restaurado o acceso a enquisa ´Preme´ do mes de xaneiro
Por mor de problemas técnicos, a enquisa mensual da Biblioteca Universitaria non foi activada ata o pasado sábado, día 10 de xaneiro. Pregamos desculpas aos usuarios e usuarias da Biblioteca, en especial a aqueles que intentaron responder á enquisa durante os días pasados.
2 xaneiro, 2009 | 14:07:00
Está satisfeito cos edificios das bibliotecas?: pregunta de xaneiro da enquisa ´PREME´
Rematado o mes de decembro, a Biblioteca Universitaria continua co desenvolvemento da súa enquisa de opinión PREME (unha pregunta cada mes) dirixida aos seus usuarios. Neste caso, a pregunta do mes de xaneiro trata sobre os edificios e instalacións bibliotecarias.