Para facilitar a preparación dos exames do vindeiro mes de decembro, a Biblioteca pon en marcha aperturas de noites e fins de semana nos tres campus. As devanditas aperturas terán lugar nas bibliotecas centrais dos campus de Pontevedra e Ourense, e na biblioteca de Torrecedeira en Vigo. A maiores, a Biblioteca Central do campus Lagoas-Marcosende (Vigo) reforzará as aperturas de fin de semana.
Coa chegada dos dous últimos meses do ano 2010, a Biblioteca, dentro do seu interese por coñecer a opinión dos seus usuarios e usuarias, lanza a pregunta anual da súa enquisa PREME sobre o grao de satisfacción xeral. A diferenza das preguntas doutros meses, dirixidas a aspectos concretos do servizo (instalacións, persoal, coleccións...), esta pregunta intenta averiguar que opina a comunidade universitaria e o resto de usuarios sobre o funcionamento en xeral da Biblioteca.
Co comezo do novo curso 2010-2011, a Biblioteca Universitaria retoma o seu programa de enquisas de satisfacción dirixidas aos seus usuarios e usuarias. Nesta ocasión, a pregunta, correspondente aos meses de setembro e outubro, trata da satisfacción dos usuarios coas coleccións biblliográficas que a Biblioteca ofrece.
Con ocasión dos exames de setembro, a Biblioteca Universitaria pon en marcha horarios especiais de apertura de noites e de fins de semana...
O Consorcio Bugalicia acaba de lanzar un vídeo-titorial no que se explican as funcionalidades do metabuscador de recursos electrónicos Pórtico e do xestor de enlaces SFX. O vídeo, cunha duración aproximada de 15 minutos, mostra como buscar en varios recursos-e á vez (bases de datos, revistass-e, repositorios...) e acceder, no seu caso, ao texto completo das revistas-e e dalgunhas coleccións de libros electrónicos ou e-books.